www.oesterhus.net

Antall besøk:

FIRBEINT hundeliv, bøker, reiser, foto

HUNDETRENING, REISER, FOTO OG LITTERATUR

Denne heimesida handlar om dagleglivet med retrieveren Ekko, reiser, mat og vinglede, litteratur, foto, pedagogikk, skole mm. og smått og stort som eg ønskjer å informere om.

Eg blir glad om du kikkar innom gjesteboka og legg igjen ei helsing der.

Oppdateringar og små nyhende finn du viss du blar litt nedover.

2012 - Godt nytt år!

04/01/12:

Året har starta stormfullt. Men vi er i gang.

Alle tre bloggane er fornya, men er like kjekke.

Firbeintblogg er om hundetrening

Ferdaminne er om turliv og reiser

Fritenkjar er om bøker, skole, politikk, fotografering med meir.

Kikk innom. Gje gjerne ei tilbakemelding. Det er bloggane som er det pulserande her inne.

Boksal

08/11-11

Boksal! Sjå bloggen. Fritenkjar.

Nytt liv av daude gror - fotoprosjekt

03.04.11

Eg har no oppretta eit nytt album under NATURMOTIV. Planen er å følge det som gror på terrassen utover våren og sommaren. Både det som lukkast og det som ikkje er så vellukka. Stikk innom sida, kommenter gjerne

GODT NYTT ÅR!

Eit nytt år står der så blankt. Og som alltid før, står eg der med draumar om at det og det skal eg få gjort dette året. Mykje blir ikkje gjort, men verre er det vel om eg sluttar å drøyme ?

Alle tre bloggane er aktive. På ujamnt nivå. Ferdaminne er jo avhengig om eg er på reise, Fritenkjar krev litt tenkjing, men der er det fleire innlegg på utkaststadiet. Firbeint er òg avhengig av trening. Ekko er blitt 6 år og matmor ein del meir så livet har hatt litt andre prioriteringar, men vi kjem sterkt tilbake

Snart advent

21/11-10
I november har eg vore på tur til København. danskane kan design og vakker julepynt så det er ikkje vanskeleg å finne vakre ting der. Sjå Ferdaminne for tips til spisestadar mm.

1 månad med R- hugs tran

10/9-10
Hausten kom brått, men samstundes kom den med varme. September har starta med sol og varme. Eg har kjøpt meg terrassevarmar så no var det bare å flytte ut, tenne lys og nyte lange, mørke kveldar. PC er sjølvsagt med.
Eg er aktiv på twitter, så vil du følge med der er namnet @avoest

I tillegg til terrassevarmaren, har eg skaffa meg gassgrill. Kvifor eg ikkje har gjort det før, er ei gåte. Det er jo heilt perfekt for meg. Grilla fisk og grønsaker på 1-2-3.

Er ikkje heilt klar for treningssesongen med den firbeinte. Det ser du meir av i bloggen.

Eller er Fritenkjarbloggen blitt meir aktiv. Altså eg er i live :)

Sommar

20/7-10
Nå er det langt ut på sommaren. Ikkje den varmaste til no her vest, men eg har vore på reise i USA og der var det til tider i varmaste laget. Reisa kan du lese om i bloggen Ferdaminne

Ellers så skal eg bruke litt tid på å oppdatere heimesida før hausten tar tak i meg

Det vårast

5/4-10
Tida fyk. Påsken er over og det er vår. Bloggane mine har vore aktive, både hundetreningsbloggen og skole/litteraturbloggen. Men eg heng litt etter med oppdateringa på heimesida. Forbetring er undervegs. Nye bilete kjem i dag mellom anna.

Det er framleis vinter

25/02-10
Det er framleis vinter og alle rekordar er sprengt. Eg begynner å bli bekymra for at alle vil ha låglandspåske i år... Det kan jo bli kø på strendene og uterestaurantane våre

.

Etter lang pause har eg oppdatert bloggen Fritenkjar. Det kjem snart stoff i Ferdaminne òg. Har ein tur til Kroatia og ein Londontur å oppdatere.

Hundetreniningsbloggen, Firbeintblogg, blir oppdatert minst ein gong i veka så den melder eg ikkje frå om ein gong.

GODT NYTT ÅR!

08/01-10
Tenk 2010. Skremmande kor fort dette går. Vi avslutta 2009 med vinter, snø og frost og starta 2010 med endå meir frost. Alle vatna er no trygge og vi har grader mellom -10 og -20. Ikkje akkurat det vi er van med.
Kjenner eg nyt dette. Det er lyst, det er sol og det er kaldt.

Nyttårsforettene er der jo. I forhold til denne bloggen er det å oppdatere der eg er blitt hengande etter, så kanskje i løpet av januar- februar....

1.veke i desember

02/12-09
Nå er vi i gang med julemånaden og nedtellinga. Her har det vore flotte dagar med frost og klar himmel. Fullmånen gjer at det ikkje er så mørkt når ein går kveldstur. Så vi nyt både dagen og kvelden.

Målet mitt før året er omme, er å oppdatere dei sidene som har lege litt brakk. Det ser ut som eg skal kome veldig nær 2010 før det blir gjort....

Ellers er eg aktiv på www.bokelskere.no. Besøk meg gjerne der (avoest) og kom med boktips.

Ser at mange kjente er på facebook. KJekt det. Lett å halde litt kontakt i kvardagen då.

Snart advent

25/11-09
Under ein månad til jul. Kjenner meg klar for julepost og adventstid. Det plar vere ei koseleg tid.

Som de ser har eg fått litt nytt på sida. No kan du hake av at du liker ei side spesielt, eller skrive kommentar om sida direkte. Eg er litt usikker på om det vil vere suksess, for eg veit jo at fleire bruker framside som ein veg til bloggane mine (og det er jo kjekt). Men skriv gjerne ein kommentar, eller bare vis at du likte ei side.

Tips når det gjeld julegåve til hundefolk: Canis sine hundebøker (link finn du her).
Til leseglade: "Havets katedral". Ei fin bok der du får kjenne Barcelona på 1300 talet på pulsen
Til gourmeten: "Lykke i Piemonte" av Klaus Hagerup

Det var tipsa eg kom på i dag.

Ny blogg!

23/11-09
Det har vore lite aktivitet på heimesida, men ein del aktivitet i bloggane så det gjeld å kikke innom der.

Det siste er at eg har starta med blogg om pedagogikk, skole og anna eg måtte ha behov for å skrive om i forhold til jobben min. Bloggen heiter Fritenkjar og her skal tankane få flyte litt fritt.

Nettsider som opptek meg

31/10-09
Har oppdaga twitter. Farleg det. Å få ein dose korttekstar frå Torvund, tips om lenkjer frå andre med meir har fått i gang andre prosessar. I all travelheit med hund så har det blitt altfor lite tid til litteratur, både fagleg og skjønnlitterært. Men no kjenner eg det kriblar etter å delta litt på den sida òg.

Eg har difor meldt meg inn på www.bokelskere.no og har ingenting i mot at andre leseglade slår til og blir med

Når det gjeld fagstoff er det twitter som gjev meg innspel for tida. Eg har endeleg oppdaga http://delogbruk.ning.com/ Ein nettstad der pedagogar, forskarar med fleire deler kunnskap, idear og oppgåver med kvarandre. Kjente eg blei inspirert bare av å kikke innom.

NUCH Helt hærlige Scotty

13/09-09

Scotty greidde det denne gongen og har blitt norsk utstillingschampion! Kjempebra. Matmors rapport finn du her.

Og Thelma greidde det! Ho òg er blitt NUCH. Matmors rapport finn du her.

Ellers så trener vi jamnt og trutt. Det er tydeleg hausten har kome for det blir meir effektiv trening no enn då vi var i feriemodus. Men alt om det finn du i bloggen.

Scotty er blitt far igjen!

05/09-09

I natt kom det ein SMS: "Keisersnitt. 4 jenter. 3 gutter en død mini scotty :-("
Det var Anne Lise som sendte den. Ho er matmor til Scotty. Gratulera både Fauska, Scotty og dei tobeinte rundt dei

Har du lyst til å følge med korleis 7 tollerkvelpar har det dei første vekene, kan du gjre det ved å trykke her.

Ellers har det vore ein travel oppstart og mykje regn. Syns hausten kom brått. Har begynt å gå spor med GPS. Det kan du lese om i firbeintbloggen.

Det store matgildet

16/08-09
Vår gode tradisjon (vi fann ut at vi har halde på med dette i 13-14 år) med eit fantastisk matgilde ein gong i året, har gått av stabelen. Det plaskregna, men ka gjorde vel det når hytta var hol og hadde plass til oss alle. Menyen finn du her. (under fana gourmet). Og som alltid - vi hadde det strålande, både sjel og lekam fekk sitt.

Oppdatering i reiseblogg

21/07-09

Reisebloggen Ferdaminne er oppdatert med ferien i Noreg.

Flott sommar

15/7-09

Denne sommaren ser ut til å bli strålande. Veret held seg stabilt over mange veker. Deilig

Ferien i år blei ikkje USA, men Noreg - ditt nærmaste ferieland. Fint det òg. Skal skrive om ruta og reisa i Ferdaminnebloggen i løpet av veka. Har skrive om korleis det var å vere hund på biltur i Firbeintbloggen. Planen er å oppdatere heimesida i løpet av ferien. Så kanskje det kjem meir snart.

Stadige endringar

21/05-09
Det skjer stadige endringar på sida mi. Eg prøver meg fram på ny design og nye fargar.
Den gode varmen er borte for ei lita stund. Eg lurer på om vi skal reise til USA denne sommaren òg. Vi blei fasinert i fjor. Du kan lese om turen i ferdaminne

Kom mai du skjønne milde

15/5-09

Tida fyk avgarde. Mykje fortare enn eg vil. Eg får ikkje trent slik eg ønsker.

Men eg har fått oppleve to flotte konfirmasjonar til to flotte gutar. Det var kjekt det!

Og så har eg opplevd studiebesøk til Helsingborg. Veldig spennande å besøke svenske skolar. Skulle kanskje ha blogga om skole òg? Kanskje ein gong i framtida.

Vil du vite meir om kunsten på bilde, les www.minskole.no/austratt

Eg trengte litt forandring.

18/04-09

Eg har endra fargen på framsida. Grått blei så trist når det var så frodig ute. Er ikkje heilt nøgd så det kjem vel fleire endringar.

Det går så det susar i runderinga. Sjå Firbeintblogg

Prøver å legge inn link til Canis, men får det ikkje heilt slik eg vil. Men etterkvart kanskje.....

Det er vår!

04/04-09

Vi har skikkeleg fått smak av vår her vest. Sola varmar, det spirer og gror og bøndene på Jæren har begynt å spre vårlukter......

I hundetreninga har fokuset vore på rundering i det siste. Vi har vore på kurs og har lært mykje! Utover det prøver eg å bli betre til å shape. Ekko syns det er kjempekjekt så det er eg som er hindringa i utviklinga. Sjå Firbeintblogg.

Eg har lagt inn nye bilete i albumet: Hundetrening 09

Og så ønsker eg alle EI STRÅLANDE FLOTT PÅSKE!

Nye bilete

20/03-09

Det er vår her. Snøklokker, krokus, minipåskeliljer osv lyser mot oss. Og solnedgangen over havet... Vår er tingen!

Har lagt inn nye bilete i "Hundetrening 09", "Mitt liv som hund" og "Naturmotiv"

Nytt fotoalbum

28/2-09

Eg har laga nytt fotoalbum. "FOTO HUNDETRENING 09". Her kjem det stadig til å kome bilete frå treningane våre. Har lagt inn nokre, men etterkvart som det blir lyst utover kvelden, kjem det fleire. Det gamle albumet med bileta frå i fjor er fjerna.

Vi trener mykje spor for tida. RApportar frå desse treningane finn du i Firbeintblogg

Det har kome litt endringar og tips til reiseglade. Sjekk Ferdaminnebloggen

Arne Aarrestad, Siddis hundeskole, har utgitt ei veldig kjekk hundebok. Her er det enkelt forklart og kvardagslydnaden er i fokus. Løp og kjøp! Du kan kjøpe boka gjennom hundeskolen eller via Canis.

Oppdatering hundefoto

20/02-09

Bileta frå hundetreninga i 2008 blir no gradvis erstatta av 2009 treningsbileta. Førebels er det ikkje mange bilete frå 2009, men eg reknar med at det kjem fleire etterkvart som det blir lysare og lysare utover kvelden...

Firbeintblogg har fått ny utsjånad, men fungerar slik som før.

Eg testar ut ulike bakgrunnar på heimesida, men finn ikkje den eg likar best så det vil bli testing ei stund til.

Knirkesnø og frosne vatn

15/02-09

Vi har i ein lang periode no, hatt skikkeleg vinter. Hundane har elska det. Tenk alle dei gode luktene! Og det å gå seine kveldsturar over jorder i knirkesnø og med fullmånen som lys, har vore fantastisk. Vi har til og med våga oss utpå Mosvatnet. Utan skøyter riktignok, men alligavel....

Ekko og eg har begynt på kurs så no endrar eg litt på planane i hundetreninga framover. Må nok bruke litt tid på to-tre detaljar ;). Veldig kjekt å få kritiske augo på treninga mi igjen. Sjå Firbeintblogg

Vi har flotte vinterdagar

1/02-09

Vi har flotte vinterdagar for tida. Sol som varmar og eit par minusgrader i skuggen. Slikt vèr gjer jo at vi storkosar oss på hundetreninga. Ekok gjekk i helga eit blodspor som var 20 timar gamalt. Det gjekk han med glans. Les meir i Firbeintbloggen.

Nytt om bøker

23/1-09

Eg har funne ein ny blogg. Om bøker. "Buskerud leser" heiter den. Den trur eg kan bli spennande å følge for oss som elskar å lese. Bloggen er sikta mot elevar i vidaregåande, men her er det mykje å hente for oss andre òg.
Link til denne bloggen og fleire litteratursider finn du under sidefana LINKAR

EKKO 4 ÅR!

21/1-09

Ekko er 4 år i dag.! Dagen (natta) starta med ei fælt tôrever. Det liker ikkje Ekko. Då rommer han til eit rom utan vindu.
Dagen ser ut til å bli mørk med ufyseleg vêr, men guten skal nok bli feira stort same ka vergudane syns.

Litt oppdatering

12/01-08

Siri Linnerud startar hundeskole i Bergen og har laga flott nettside. Den finn du under linkar. Er det noen som bur i Bergen og har hund - slå til!

Julekorta er fjerna frå nettsida.

Og eg lover å oppdatere og gjere ferdig fleire av sidene mine snart....

Godt nytt år!

6/01-09

Så var 2008 over. Like greit syns eg... Det nye året starta bra med sol og kalde dagar.

2008 er oppsummert i Firbeintbloggen .

Datamaskinen min kom endeleg tilbake i dag. Deilig med stor skjerm og skikkeleg tastatur igjen. Det var noko med straumen som måtte skiftast. Heldigvis gjekk det på garantien.