 |
 |
|
 |
 |
* 7 matglade menneske - ein av dei må vere suppekokar - ei må ha skrivekløe - sju må våge å stå på gyngande grunn i kokekunsten/ matsmaking
* Kokebøker/ matsider på nettet * Almanakk/kalender * Ein stad å vere der vi kan koke, spise og sove. Vi har lært at det ikkje treng vere store plassen. Mange rettars meny er laga på stormkjøkken.

Suppekokaren inviterer til 1.møte. Alle har med kokebøker/ oppskrifter og kalender Spis suppe Start deretter med det som tar lengst tid : å finne ei helg der alle kan! Og bestem staden der gildet skal foregå. Finn fram kokebøkene og set i gang diskusjonen om ka som skal vere hovudrett ( greitt å plassere den først), forrett, kvilerett og dessert.
Mange innspel undervegs, skaper ekstra god meny så kast deg innpå. Referenten har i denne fasen det svært travelt for vedtak blir gjort ganske brått for så å bli endra 5 minutt etterpå.
Ut på kvelden er vi blitt einige og referenten går heim til seg for å lage eit skriv om kva vi blei einige om. Her skal òg arbeidsoppdraget til dei ulike stå. Viktig at dette blir gjort medan pennen er varm for det blir fort mange rare rablingar i løpet av møtet. Og dei er uforståelege veka etterpå. Dette er ferskvare som må bearbeidast.


Polfararane tek med seg menyen og gler tilsette på polet. Endeleg kan dei få bruke all den gode kunnskapen dei har! Vi andre reiser rundt på ulike butikkar for å skaffe akkurat den ingrediensen som må til. Denne gongen måtte vi mellom anna på apoteket. Så møtes gjengen. Den einaste oppskrifta som blei dobla, var hovudretten.
Kommentarar til rettane: 1. Nokre smakte på sennepsvinaigretten på førehand og var litt skeptisk. Men all skepsis forsvann då retten kom på bordet og smakane fekk vere saman. Veldig god forrett. Vinen passa perfekt 2. Dette var ei kjempegod suppe. Perfekt med røykelaks i. Ikkje lett å finne vin som passar til røykelaks. Vinen var god, men kom ikkje heilt til sin rett. 3. Ein god drink, men kanskje i søtaste laget? 4. Fantastisk god and! Saftig og med nydeleg saus. Nå kom superlativa fram. Første vin var himmelsk og andre vin var heller ikkje dum... Og vi? Ja, vi var salige :). 5. Denne retten gløymte vi. Den fantastiske middagen og spenningen til muskatis mm gjorde sitt 6. Ein dessert som det tok tid (og mange egg) å lage. I tillegg til brownie og sjokolade-pannacotta var det bringebær coulis og heimelaga muskat-is. Muskat-is hadde ingen av oss smakt før. Spennande smak. Aldri før har Tokaji-vin passa meir perfekt til ein dessert! 7. Avslutninga blei espressokaffi med daddel og ingefærsmak. Godt. Nokre blei sitjande å småspise på restene av daddelsirupen.

Polfararane tar med seg menyen og nyttar seg av all kunnskapen dei har på polet. Vi andre har kjøpt ingrediensane. Du treng ikkje auke oppskriftene. Ingrediensar til 4 er nok når vi totalt skal ha mange rettar. Vi endar opp passe mette Kommentar til menyen: 1. Svært god forrett og god vin. Sakna kuvertbrød for det blei liggande god saus igjen på tallerken 2. Fantastisk smaksrik suppe. Kunne vore ein hovudrett. Vinen passa godt 3. Urtegranite. Det er visst sunt å la vinen kvile òg under kvilerettane, men dei fleste av oss hadde litt igjen i glaset frå forrige rett. Og den vinen var perfekt til denne syrlige graniteen. 4. Nydeleg hovudrett. Her kunne vi òg treng kuvertbrød. Sausen var kjempegod! Vinen passa flott. 5. Ost og jærostkjekt byrjar bli klassikar. Kjempegodt. Vinen har vi vore borti før. Den passar flott til retten 6. Dette var godt det! Sauternes var ein vin som passa svært godt til denne desserten.
|
|
 |